رمضان المبارک کی آمد میں اب کچھ ہی روز باقی رہ گئے ہیں، اس سلسلے میں رویت ہلال کمیٹی کا اجلاس مفتی منیب الرحمان کی زیر صدارت میٹ آفس کراچی میں جمعرات کو ہوگا۔

تفصیلات کے مطابق جمعرات کو مفتی اعظم پاکستان، مفتی منیب الرحمان کی زیر صدارت میٹ آفس کراچی میں اجلاس طلب کرلیا گیا ہے۔

رمضان المبارک کے چاند سے متعلق کچھ روز قبل وزیر سائنس اینڈ ٹیکنالوجی فواد چوہدری نے اپنی ٹویٹ میں کہا تھا کہ اس سال رمضان کا چاند 24 اپریل کو نظر آئے گا جبکہ پہلا روزہ 25 اپریل کو ہوگا۔

انشااللہ رمضان المبارک کا چاند 24 اپریل کو پورے ملک میں دیکھا جا سکے گا اور25 اپریل کوپہلاروزہ ہو گا،روئت ھلال کمیٹی نے ذیعقداور رجب دونوں کی غلط تاریخ دیں 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں اتحاد کا باعث بننے چاہئیں۔

— Ch Fawad Hussain (@fawadchaudhry) February 27, 2020

فواد چوہدری نے رویت ہلال کمیٹی پر بھی تنقید کرتے ہوئے کہا کہ رویت ہلال کمیٹی نے زیقعد اور رجب دونوں کی غلط تاریخ دیں ۔

اب محکمہ موسمیات کی جانب سے بھی یہ پیشگوئی سامنے آئی ہے کہ رمضان کا چاند 24 اپریل بروز جمعہ کو نظر آئے گا اور یکم رمضان 25 اپریل بروز ہفتہ کو ہوگا۔