لاہور: لاہور ہائیکورٹ نے کمرشل بلڈنگز میں پارکنگ ختم کر کے دکانیں قائم کرنے کے خلاف دائر کیس میں کمشنر لاہور اور چیف ٹاون پلانر ایل ڈی اے سے جواب طلب کر لیا۔

لاہور ہائیکورٹ کے رو برو درخواست گزار کے وکیل نے عدالت کو بتایا کہ لاہور میں بنائی گئی کمرشل عمارتوں میں پارکنگ کیلئے جگہ رکھی جاتی ہے،مگر عمارتوں کے مالکان دولت کے لالچ میں پارکنگ کی جگہوں پر دکانیں بنا کر فروخت کر دیتے ہیں۔

عمارت کے نقشے میں کسی قسم کی تبدیلی ایل ڈی اے کی مرضی کے بغیر نہیں کی جا سکتی،پارکنگ کی جگہ دکانوں کی تعمیر ایل ڈی اے کی ملی بھگت کے بغیر ممکن نہیں ہے،عدالت پارکنگ علاقہ میں دکانیں ختم کرانے اور فرائض سے غفلت برتنے والے اہلکاروں کے خلاف کاروائی کے احکامات جاری کرے۔

عدالت نے دلائل سننے کے بعد کمشنر لاہور اور چیف ٹاو¿ن پلانر ایل ڈی اے کو جواب سمیت پانچ مئی کو طلب کر لیا۔