معروف سائنسدان اور فلاسفر ارسطو کا کہنا تھا کہ 'ہم ان میں سے ہیں جو ایک عمل بار بار دوہراتے ہیں' یہاں ہم اپنی اور اپنے بچوں کی بات کر رہے ہیں جن سے ہم ہمیشہ ای جیسی امید باندھ لیتے ہیں۔

والدین ہمیشہ اپنے بچوں سے بہت سی توقعات باندھ لتے ہیں کہ وہ ہمارے پڑوسی کے بچے سے زیادہ اچھی کا رکر دگی دکھائے یا اس کی جماعت میں موجود باقی بچوں میں ہمیشہ اول نبر پر ہی رہے جس کے لئے اپنے بچوں پر بہت سا پیسا خرچ کرتے ہیں۔

ایسا کرنا غلط نہیں ہوتا لیکن اگر وقت اور پیسہ لگانے کے بعد بھی نتیجہ حاصل نہ ہو تو مایوسی ہوتی ہے تو آپ ایک بار ان سات باتوں پر بھی عمل کر کے دیکھ لیں جو آپ کے بچوں کو کامیابی کی سیڑھی پر قدم بڑھانے میں کار گر ثابت ہو سکتے ہیں۔

٭گھریلو کاموں میں دلچسپی

٭اپنے بچوں کی گھریلو کاموں میں دلچسپی پیدا کریں جس سے ان کو اس بات کا احساس ہوگا کہ مجھے زندگی میں موجود ہر کام کو کرنا ہے اور وہ ایک بہتر  زندگی گزار سکیں گے۔

٭معاشرتی ہنر

معاشرتی ہنر سکھائیں جس میں ان کو دوسروں کے جذبات کو سمجنا اور ان کی مدد کرنے سے متعلق تعلیم دیں۔

٭عملی مظاہرہ کر کے دکھائیں

 بچوں کو اعلیٰ تعلیم دینے کے لئے ان کو اس کا عملی مظاہرہ کر کے دکھائیں۔ اگر آپ چاہتے ہیں کہ آپ کا بچہ ایک اچھے کالج میں تعلم حاصل کرے تو خود اس کے لئے رول ماڈل بنیں اور پہلے خود بہترین تعلیم حاصل کریں۔

٭٭رشتوں کا ادب و احترام سکھائیں

 بچوں کو رشتوں کا ادب واحترام اور ان کو اچھے سے نبھانے کے طریقے سکھائیں ۔جس سے ان کے تعلیم پر بہتر نتائج سامنے آئیں گے۔

٭ریاضی سے دلچسپی پیدا کریں

 بچپن ہی سے بچوں میں حساب کتاب سے دلچسپی پیدا کریں اور گھر میں ہی ان کو ریاضی کی تعلیم دینا شروع کردیں۔

٭مایوسی سے بچائیں

 بچوں میں کوشش کرتے رہنے کی عادت ڈالیں اور ان کو فیل ہونے پر مایوسی نہ کرنے کا درس دیں۔

٭بڑھتے ہوئے بچوں کو توجہ دیں

 بڑھتے ہوئے بچوں کے لئے رول ماڈل بنیں اور ان کو کام کرنے کے طور طریقوں سے آشنائی دلانا شروع کردیں۔