خواتین کے عالمی دن کے موقع پر شوبز ستاروں کے پیغامات

زنیرا غوری
اپ ڈیٹ 08 مارچ 2017 09:49am
لائف اسٹائل

sushant

دنیا میں ہر سال 8 مارچ کو خواتین کا عالمی دن منایا جاتا ہے،اس دن کو منانے کا مقصد خواتین کو ان کی صلاحیتوں  اور حقوق سے روشناس کروانا ہے، ماضی میں نظر ڈالی جائے تو بہت کم ایسا ہوا ہے کہ عورتوں کو ان کے حقوق  ملے ہوں ،لیکن موجودہ دور میں صنفی مساوات اور خواتین  کی نمائندگی کو لوگ آہستہ آہستہ تسلیم کررہے ہیں ،کیونکہ یہ حقیقت ہے کہ کسی بھی شعبے کی تعمیر و ترقی خواتین کے بغیر ادھوری ہے۔

بھارتی اور پاکستانی شو بز انڈسٹری سے تعلق رکھنے والے اداکاروں  نے اس دن کے موقع پر اپنے خیالات کا اظہار کیا ہے،آئیے دیکھتے ہیں۔

دیا مرزا  دیا مرزا نے ٹویٹر پر پیغام دیتے ہوئے کہا ہے کہ"  میں آج کا دن  ان خواتین اور مردوں  کے لیے منا رہی ہوں جو صنفی مساوات کے لیے کھڑے رہے ،جنہوں نےخواتین کی صلاحیتوں  اور ان کی آزادی کو پہچانا  اور انہیں بااختیار بنایا"۔

عالیہ بھٹ عالیہ بھٹ نے اس موقع پر اپنا پسندیدہ اقتباس ٹویٹ کیا ہے "خواتین کو سونے دو ،جب وہ اٹھیں گی تو پہاڑوں کو ہلادیں گی"۔   

سشانت سنگھ راجپوت  ادا کار سشانت سنگھ راجپوت کا کہنا ہے کہ"میں جو کچھ بھی ہوں مجھے اس پر فخر ہے،کیونکہ میں نے یہ سب اپنی والدہ اور بہن سے سیکھا ہے"۔

اجے دیوگن "اجے دیوگن نے  ٹویٹ کیا کہ "ہمیں یہ دن منانے کے لیے کسی ایک دن کی ضرورت نہیں بلکہ ہر دن کو خواتین کے دن  کے طور پرمنانا چاہئے"۔     

انوپم کھیر"خدا نے عورت  کو ایک اور زندگی دنیا میں لانے کی طاقت دی ہے،خواتین خاص ہوتی ہیں،لہٰذا ہمیں ہر دن خواتین کے دن کے طور پر منانا چاہئے"۔

پاریش راول "پاریش راول نے  تمام خواتین کو اس دن کی مبارک باد دی"۔

کسی نے شاہ رخ خان کی  مردوں کے ظلم کا شکار خواتین کے ساتھ لی گئی تصویر  شیئر کر کے پیغام دیا کہ "یہ تصویر  خان کی خواتین سے محبت کو ظاہر کرتی ہے ہمیں شاہ رخ پر فخر ہے"۔

This pic is enough to describe his love for women ! Another reason we r proud to be @iamsrk fan #womensdaypic.twitter.com/sOzGvBGpbJ

ایشا گپتا "ایشا گپتا نے تمام خواتین کو خوبصورت قرار دیتے ہوئے مبارک باد دی ہے"۔

مزید خبریں
مقبول ترین
تازہ ترین