عید الفطرکے موقع پر ریلیز ہونے والی پاکستانی فلمیں
رواں سال عیدالفطر کے موقع پر پاکستان کی 4 بڑی فلمیں ایک ساتھ ریلیز ہورہی ہیں ،جن میں پاکستان شوبز انڈسٹری کے بڑے اداکار شامل ہیں،بڑے بجٹ اور خوبصورت کاسٹ پر مشتمل چاروں فلموں کاجہاں ایک ساتھ ریلیز ہونا پاکستان سینما انڈسٹری کے لیے خوشگوار ثابت ہوگا وہیں یہ امید ظاہر کی جارہی ہے کہ یہ فلمیں باکس آفس پر اچھا بزنس کریں۔
مقامی ویب سائٹ برینڈ سینریو کے مطابق اس عید پر جن فلموں کی ریلیز متوقع ہے وہ یہ ہو سکتی ہیں۔
جھول
فلم "جھول"میں پاکستان کی معروف اداکارہ عروہ حسین ،علی عظمت ،بلال اشرف،مصطفیٰ قریشی،سلیم معراج اور بابرہ شریف نظر آئیں گی،جبکہ فلم کی ہدایت کاری کے فرائض شاہد شفاعت انجام دیں گے ،فلم کی کہانی ایکشن اور کامیڈی سے بھرپور ہے یہ فلم اپنی اسٹار کاسٹ کے باعث باکس آفس پر تہلکہ مچا سکتی ہے۔
ورنہ
The wonderful team for #Verna #shoaibmansoor #MahiraKhan #Pakistan
A post shared by Haroon Shahid (@haroonsmusic) on
پاکستان کے معروف اور نامور ہدایت کار شعیب منصور ایک بار پھر فلم"ورنہ"کے ساتھ جلوہ گر ہورہے ہیں ،فلم میں پاکستان کی عالمی شہرت یافتہ اداکارہ ماہرہ خان اپنی اداکارانہ صلاحیتوں کا جادو جگاتی نظر آئیں گی،منصور کی پچھلی فلموں کی طرح یہ فلم بھی ایک مضبوط پیغام دیتی نظر آئے گی۔
مہرالنساء وی لب یو
پاکستان فلم انڈسٹری کے نامور اداکار دانش تیمور ان دنوں 2 فلموں کی شوٹنگ میں مصروف ہیں جن میں سے ایک یاسر نواز کی فلم "مہرالنساء وی لب یو"ہے جس میں ادکارہ ثناء جاوید بھی اہم کردار نبھاتی نظر آئیں گی۔
ارتھ2
پاکستان کے باصلاحیت اداکار شان کے مداحوں کے لیے خوشخبری ہے کہ وہ اس عید پر فلم "ارتھ2"کے ساتھ دھوم مچانے آرہے ہیں ،فلم کی کہانی شان شاہد نے لکھی ہے جبکہ ہدایت کاری کے فرائض بھی انہوں نے ہی انجام دئیے ہیں ،فلم کی اسٹار کاسٹ میں شان کے علاوہ،محب مرزا ،حمائمہ ملک،یاسر حسین اور عظمیٰ حسن شامل ہیں۔
انگوٹھی کی مناسبت سے ناخن کے 6 بہترین اسٹائل
’اسٹرینجر تھنگز‘ کے فائنل ایپی سوڈ کے دوران نیٹ فلکس کریش، فینز ناراض
’ہمارے بچے بڑے نہیں ہوتے‘، غزہ کے بچے کی ویڈیو نے جیکی چن کو رُلا دیا
نیا سال : رات 12 بجے 12 انگور کیوں کھائے جاتے ہیں؟
جے ایف کینیڈی کی نواسی 35 سال کی عمر میں انتقال کر گئیں
اس کہانی پر تبصرے بند ہیں۔