عراق میں عوام کے بھرپور احتجاج کے بعد وزیراعظم عبدالمہدی نے مستعفی ہونے کا اعلان کردیا۔

عراق میں گزشتہ چند ہفتوں کےدوران جاری احتجاج میں اب تک 400افراد ہلاک ہوچکےہیں۔ گزشتہ روزبھی سیکیورٹی فورسز کی فائرنگ سے15 افراد ہلاک ہوئے۔

مظاہرین حکومت سے نوکریوں کی فراہمی، کرپشن کے خاتمے اور بہتر شہری سہولیات دینے کا مطالبہ کر رہے ہیں۔

وزیراعظم عبدالمہدی کے دفتر سے جاری بیان میں کہا گیا ہے کہ وہ پارلیمان میں اپنا استعفیٰ پیش کریں گے تاکہ ممبران نئی حکومت کو چُن سکیں۔

اتوار کو عراقی پارلیمنٹ کا ہنگامی اجلاس منعقد ہو گا جس میں ملک کی بحرانی صورتحال کا جائزہ لیا جائے گا۔