اقتصادی رابطہ کمیٹی نے پاکستان اسٹیل ملزکے تمام ملازمین کو گولڈن ہینڈ شیک کے ذریعے ملازمت سے فارغ کرنے کی منظوری دےدی۔

اقتصادی رابطہ کمیٹی کا اجلاس مشیر خزانہ ڈاکٹر عبدالحفیظ شیخ کی زیر صدارت ہوا۔اجلاس میں منظوری کےلئے نونکاتی ایجنڈہ پیش کیا گیا۔

ذرائع کے مطابق اجلاس میں پاکستان اسٹیل ملزکے ملازمین کو گولڈن شیک ہینڈ کے تحت فارغ کرنے کی منظوری دیدی گئی ہے۔جس کے تحت اگلے ایک ماہ کے دوران نوہزارسے زائد ملازمین کوفارغ کردیا جائے گا۔

ای سی سی نے مختلف محکموں کےلئے 12 سپلیمنٹری گرانٹس اورویسٹرن بارڈر مینجمنٹ کےلئے 8 ارب 84 کروڑروپے کی تکنیکی گرانٹ منظوری دےدی۔یہ رقم سول آرمڈ فورسز کی استعداد کار بہتربنانے پرخرچ کی جائے گی۔اس کے علاوہ ایف بی آر کےلئے 20 کروڑ روپے کی تکنیکی گرانٹ کی بھی منظوری دےدی گئی۔