سمندری طوفان چپالہ یمن کے ساحل سمندر سے ٹکرا گیا، طوفان نے بڑے پیمانے پر تباہی مچائی ہے، اب تک ہزاروں افراد بے گھر ہوگئے ہیں۔یمن کے ساحلی علاقے میں سمندری طوفان چپالہ تباہی مچاتا ہوا آگے بڑہ رہاہے،طوفان سے ملک کا پانچواں سب سے بڑا شہر المکالہ شدید متاثر ہوا ہے، ہزاروں افراد اپنے گھروں کو چھوڑ کر نقل مکانی کیلئے مجبورہوگئے ہیں۔ جنہیں شیلٹرہاوٴسز میں منتقل کیا جا رہا ہے۔ورلڈ میٹروجیکل آرگنائزیشن نے طوفان کو چپالہ کا نام دیا ہے،تنظیم کا کہنا ہے کہ طوفان انتھائی خطرناک ہے۔ جبکہ اسکی رفتار تین سو اسی کلومیٹر فی گھنٹہ ہے۔