پاکستان کے سابق مایہ ناز فاسٹ بولر شعیب اختر کے گھر بیٹے کی پیدائش ہوئی ہے۔ انہوں نے اس خبر کا اعلان اپنے یوٹیوب چینل کے ذریعے کیا۔

تفصیلات کے مطابق اپنے یوٹیوب چینل پر انہوں نے اپنے مداحوں کو خوشخبری سناتے ہوئے بتایا کہ آج 4 جولائی شام پانچ بجے اللہ نے انہیں ایک اور بیٹے سے نوازا ہے۔

راولپنڈی ایکسپریس نے ویڈیو جاری کرتے ہوئے بتایا کہ میرا بیٹا اور بیگم دونوں صحتمند ہیں۔

اس موقع پر انہوں نے خوشی کا اظہار کرتے ہوئے کہا دعاؤں کی اپیل بھی کی۔

اس سے قبل 7 نومبر 2016 کو ان کے ہاں پہلے بیٹے میکائیل کی پیدائش ہوئی تھی اور اب اللہ نے انہیں دوسرے بیٹے سے بھی نواز دیا ہے۔