جدہ: پاکستانی نژاد برطانوی باکسر عامر خان نے آسٹریلوی باکسر بلی ڈب کو ناک آؤٹ کردیا، فائٹ دیکھنے کیلئے پاکستان کے سابق آرمی چیف جنرل راحیل شریف اور موجودہ وفاقی وزیر برائے سائنس اینڈ ٹیکنالوجی فواد چوہدری بھی موجود تھے۔
جدہ میں ویلٹر ویٹ باؤٹ، پاکستانی نژاد برطانوی باکسر عامر خان نے آسٹریلیا کے بلی ڈب پر مکے برسادیئے۔ چوتھے ہی راؤنڈ میں ناک آؤٹ کرتے ہوئے کیرئیر کی 34 ویں فائٹ اپنے نام کی۔
فائٹ جیتنے پر عامر خان کو پاکستان کے سابق آرمی چیف جنرل راحیل شریف اور وفاقی وزیر سائنس اینڈ ٹیکنالوجی فواد چوہدری نے مبارکباد دی۔
سابق آرمی چیف راحیل شریف نے عامر خان کو گلے بھی لگایا۔
