بالاکوٹ حملے کے بعد پہلی مرتبہ بھارتی وزیر اعظم نریندر مودی نے فرانس جانے کےلئے پاکستان کا فضائی راستہ اختیار کیا۔
بھارتی میڈیا کے مطابق پاکستان نے جمعرات کو فرانس جانے کےلئے مودی کے جہاز ایئر انڈیا ون کو فضائی حدود استعمال کرنے کی اجازت دی۔
بھارتی وزیر اعظم فرانس، عرب امارات اور بحرین کے سرکاری دورے پر روانہ ہوئے ہیں۔
واضح رہے بھارتی جنگی جہازوں کی پاکستانی فضائی حدود میں دراندازی کے بعد سے پاکستان نےبھارت کےلئے اپنی فضائی حدود کے استعمال پر پابندی عائد کردی تھی۔
پاکستانی میڈیا میں اس معاملے پر اب آوازیں اٹھنا شروع ہوگئیں ہیں۔
صحافی سعدیہ افضال نے ٹویٹ کیا کہ پاکستان نے مودی کے جہاز کو پاکستانی فضائی حدود استعمال کرنے کی اجازت کیوں دی؟ بین الاقوامی سول ایوی ایشن قواعد یا کچھ اور؟
انہوں نے مزید کہا ایل او سی خلاف ورزیاں، بالا کوٹ، بھارتی مقبوضہ کشمیر، آبی دہشتگردی اور کیا نہیں لیکن وہ ہماری فضائی حدود استعمال کرسکتا ہے۔ پھر سمجھوتا ایکسپریس پر پابندی کیوں لگائی جو دونوں طرف کے عوام کی ایک سہولت ہے۔
Why did Pak allow PM Modi to cruise over Pakistan on his way to France today? ICAO regulations or something else?
LOC violations,Balakot,IOK,water terrorism and what not but he can use our airspace.Then why ban samjhota Express which only facilitates the people on both sides? pic.twitter.com/1Vf5KGrSmO— Saadia Afzaal (@SaadiaAfzaal) August 22, 2019
کامران شفیع نے سوال پوچھا یہ مودی کا ایئر کرافٹ ہے؟
Modi's aircraft? pic.twitter.com/ZGLSw5ORdj — Kamran Shafi (@KamranShafi46) August 22, 2019
جبکہ وزیر اعظم کے ترجمان ندیم افضل چن نے اس واقعے سے لاعلمی کا اظہار کرتے ہوئے کہا ہے کہ وہ حکومتی ذرائع سے تصدیق کر کے اس کے متعلق بتائیں گے۔
ن لیگی رہنما طارق فضل چوہدری کا کہنا تھا کہ اگر اجتماعی طور پر بھارت کے لئے فضائی حدود بند نہ کیں تو ایسا ممکن نہیں تمام کمرشل فلائٹس کو جانے دیں اور مودی کو روک دیں۔ اس کےلئے آپ کو مکمل بند کرنا پڑیگا اور یہ پاکستان سے زیادہ بھارت کےلئے مسئلے کی بات ہے۔
