قومی کرکٹ ٹیم کے نوجوان فاسٹ بولر حسن علی اور بھارت سے تعلق رکھنے والی اُن کی اہلیہ سامعہ حسن علی ان دنوں خبروں کی زینت بنے ہوئے ہیں۔
آج دونوں نے انسٹاگرام اسٹوری پر تقریباً ایک جیسی تصاویر شیئر کرکے ایک بار پھر مداحوں کی توجہ حاصل کرلی ہے، تصاویر میں دیکھا جاسکتا ہے کہ حسن علی اور ان کی اہلیہ نے سفید ٹی شرٹ اور بلیک پینٹ زیب تن کی ہوئی ہے جبکہ دونوں کی شرٹس پر قومی ٹیم میں حسن علی کا آفیشل نمبر 32 درج ہے۔
سامعہ کی شرٹ پر 'حسنز کوئین' یعنی حسن کی ملکہ جبکہ حسن علی کی شرٹ پر 'سامعاز کنگ' یعنی سامعہ کا بادشاہ لکھا ہوا ہے۔
یہ تصاویر پہلے سامعہ کی جانب سے جبکہ بعد میں حسن علی کی جانب سے شیئر کی گئیں، حسن نے سامعہ کی تصاویر کو ری شیئر کرتے ہوئے ان پر دل کی شکل کے ایموجیز کا اضافہ کیا۔
