کراچی :وزیراعلی سندھ مراد علی شاہ نے قومی اسمبلی میں سابق اپوزیشن لیڈر خورشید شاہ کی گرفتاری کی شدید مذمت کی ہے۔

پیپلز پارٹی کے رہنماء خورشید شاہ کی گرفتاری پر ردعمل دیتے ہوئے وزیراعلی سندھ مراد علی شاہ نے کہا کہ سینیٹ میں کشمیر کاز پر ایک کانفرنس کے دوران اطلاع ملی کہ خورشید شاہ کو نیب نے گرفتار کرلیا، جس کی شدید مذمت کرتا ہوں۔

وزیراعلی نے مزید کہا کہ اگر ان کیخلاف کوئی تحقیقات تھیں بھی تو کیا وہ ملک سے کہیں بھاگے ہوئے تھے،حکومت نے گرفتار کرکے غلط کیا۔