سعودی تیل تنصیبات پر حملوں کے بعد پنٹاگون نے سعودی عرب میں مزید فوج اور ہتھیار بھیجنے کا اعلان کردیا۔
امریکی وزیر دفاع مارک ایسپر نے چیئرمین جوائنٹ چیفس آف اسٹاف جنرل ڈنفورڈ کے ہمراہ پریس کانفرنس کی۔
جنرل ڈنفورڈ نے کہا کہ فوج کی تعداد اور ہتھیاروں کی نوعیت کا فیصلہ کرنا ابھی باقی ہے۔ایئراینڈ میزائل ڈیفنس دستے صرف دفاعی ذمہ داریاں سرانجام دیں گے۔
امریکی وزیر دفاع نے کہا کہ فوجی کمک میں اضافہ سعودی عرب اور یواے ای کی درخواست پر کیا جارہا ہے۔
ادھر صدر ڈونلڈ ٹرمپ نے سعودی عرب میں مزید فوج بھیجنے کی منظوری دےدی ہے۔