پاکستان کے عالمی شہرت یافتہ گلوکار عاطف اسلم نے ایک اور اعزاز حاصل کرلیا، انہیں اپنی بہترین گائیکی کی وجہ سے 'دبئی اسٹار ایوارڈ' سے نواز دیا گیا۔
کوک اسٹوڈیو سیزن 12 میں 'وہی خدا ہے' میں اپنی جادوئی آواز کا جادو جگا کر ایک بار پھر مداحوں کا دل جیتنے والے عاطف اسلم کو ان کی گائیکی کی بدولت دبئی اسٹار ایوارڈ سے نوازا گیا۔
عاطف اسلم کا شمار پاکستان کے بہترین گلوکاروں میں ہوتا ہے، انہوں نے نہ صرف پاکستان بلکہ بھارت میں بھی اپنی گائیکی سے دھاک بٹھاتے ہوئے خوب شہرت حاصل کی جبکہ وہ پاکستان میں میوزک انڈسٹری کیلئے خدمات کے پیش نظر 'طمغہ امتیاز' سے بھی نوازے جاچکے ہیں۔
ایوارڈ وصول کرنے کے بعد عاطف اسلم بے حد خوش دکھائی دیئے، اس موقع پر انہوں نے کہا کہ یہ ایوارڈ بالکل 'ہالی ووڈ واک آف فیم' کی طرح ہے۔
انہوں نے مزید کہا کہ میوزک نے دنیا بھر میں ہمیشہ سب کو جوڑ کر رکھا ہے اور ثقافتوں کو پروان چڑھایا ہے۔
واضح رہے کہ اس تقریب میں عاطف اسلم بالی ووڈ اداکارہ سونم کپور کے ساتھ ساتھ دیگر کئی شخصیات کے ساتھ تصاویر بنوائیں۔
