اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ الیکٹرونکس کی صرف معیاری مصنوعات ہی فروخت کی جا سکیں گی، وزارت سائنس نے الیکٹرونکس کے61 اسٹینڈرڈز کی منظوری دی ہے۔
وزیر سائنس اینڈ ٹیکنالوجی فواد چوہدری نے اپنے ایک ٹویٹ میں بتایا کہ وعدے کی مطابق وزارت سائنس نے الیکٹرونکس کے 61اسٹینڈرڈزکی منظوری دی ہے،وفاقی کابینہ کی منظوری کے بعد یہ معیار نافذ العمل ہوں گے،اس کا مطلب یہ ہوگا کہ رنگ برنگے سوئچز، بورڈز درآمد نہیں ہو سکیں گے، الیکٹرونکس کی صرف معیاری مصنوعات ہی ملک میں فروخت ہوسکیں گی۔
وعدے کیمطابق وزارت سائنس نے الیکٹرونکس کے 61 اسٹینڈرڈز کی منظوری دی ہے، کابینہ کی منظوری کے بعد یہ معیار نافذالعمل ہوں گے اس کا مطلب یہ ہو گا کہ رنگ برنگے سوئچز، بورڈز درآمد نہیں ہو سکے گے اور الیکٹرونکس کی صرف معیاری مصنوعات ہی پاکستان میں فروخت ہو سکیں گی،
— Ch Fawad Hussain (@fawadchaudhry) April 16, 2020
فواد چوہدری کا مزید کہنا تھا کہ انشااللہ اگلے مرحلے میں پاکستان میں بننے والی گاڑیوں اور ٹریکٹرز کے اسٹینڈرز بھی اپ گریڈ کریں گے، اگر ہم نے دنیا میں آگے جانا ہے تومعیار بہتربنانا ہو گا، انڈسٹریز کا تعاون انتہائی اہم ہے۔
انشاللہ اگلے مرحلے میں پاکستان میں بننے والی گاڑیوں اور ٹریکٹرز کے اسٹینڈرز بھی اپ گریڈ کریں گے، اگر ہم نے دینا میں آگے جانا ہے تو معیار بنانے اور ان پر عمل کرنا ہو گا، @Hammad_Azhar نے مجھے اس ضمن میں مکمل تعاون کا یقین دلایا ہے، انڈسٹریز کا تعاون انتہائ اہم ہے
— Ch Fawad Hussain (@fawadchaudhry) April 16, 2020
