دنیا بھر میں عارضی معطلی کے بعد یوٹیوب سروس بحال ہونا شروع ہوگئی۔

تفصیلات کے مطابق اب سے کچھ دیر قبل دنیا بھر میں ویڈیو بلاگنگ ویب سائٹ یوٹیوب کا لنک ڈاؤن ہوگیا تھا، جس سے کروڑوں صارفین کی ویب سائٹ تک رسائی نہیں ہو پارہی تھی تاہم اب سروس دوبارہ بحال ہونا شروع ہوگئی ہے۔

اس کے علاوہ پاکستان میں جی میل سروس بھی تعطل کا شکار ہوگئی تھی۔

اس تمام تر صورتحال میں یوٹیوب کی جانب سے ایک ٹویٹ کی گئی ہے، جس میں کہا گیا ہے کہ صارفین کو یوٹیوب کے استعمال میں پیش آنے والی دشواری سے آگاہ ہیں اور اس حوالے سے ٹیمیں کام کررہی ہیں۔