پاکستان کرکٹ بورڈ میں تبدیلی اور استعفوں کا سلسلہ جاری ہے. پی سی بی کے ڈائریکٹر کمرشل بابر حامد مستعفی ہوگئے۔
ذرائع کے مطابق بابر حامد نے استعفیٰ چئیرمین پی سی بی رمیز راجہ کو بھجوا دیا ہے۔ پاک نیوزی لینڈ سیریز میں ڈی آر ایس نہ ہونے کے معاملے میں بابر حامد کو مرکزی کردار قرار دیا جارہا تھا۔
ڈی آر ایس کی غفلت پر چیئرمین رمیز راجہ نے شدید ناراضگی کا اظہار کرکے انکوائری شروع کرنے کے احکامات جاری کیے تھے۔ جس کی بنا پر بابر حامد گزشتہ کئی دنوں سے دفتر نہیں آرہے تھے۔
بابر حامد کی تقرری سابق چیئرمین پی سی بی احسان مانی نے جون 2019 میں کی تھی۔