اسلام آباد:پاکستان نے چالیس ارب روپے کے ٹیکسز لگا دیئے، بعض اصلاحات بھی کرلیں، لیکن تمام تر اقدامات کے باوجود واشنگٹن میں عالمی مالیاتی فنڈ کے بورڈ کا اجلاس بروقت نہ ہونے سے قرضے کی قسط تاخیر کا شکار ہوگئی۔پاکستان اور آئی ایم ایف حکام کے درمیان گذشتہ مذاکرات میں آئی ایم ایف نے پہلی سہ ماہی کے دوران چالیس ارب روپے ریونیو خسارے پر شدید تحظات کا اظہار کیا۔ اور پچاس کروڑ ڈالر کی نئی قسط کے اجرا کو ٹیکس وصولی بڑھانے سے مشروط کردیا۔عالمی مالیاتی فنڈ کے ایگزیکٹو بورڈ کے اجلاس میں نئی قسط کے اجرا کا فیصلہ ہونا تھا، جو اب تک تاخیرکا شکار ہے، پاکستان نے چالیس ارب روپے کے ٹیکس کے نفاذ سمیت دیگر شرائط کو پورا کردیا ہے، تاہم ابھی تک آئی ایم ایف نے اپنی ویب سائٹ پر اجلاس کے لئے کسی حتمی تاریخ کا اعلان نہیں کیا۔
