اجزاء:

بون لیس چکن                         200 گرام

نمک                                     حسب ذائقہ

ادرک لہسن                             1 کھانے کا چمچ

چیڈر چیز                               100 گرام

پیاز                                      1عدد در میانی

کالی مرچ ( کٹی ہوئی)               آدھا چائے کا چمچ

مسٹرڈ پیسٹ                            آدھا چائے کا چمچ

سرکہ                                    2چائے کے چمچ

چلی ساس                               2چائے کے چمچ

سویا سوس                              2چائے کے چمچ

اجوائن (پسی ہوئی)                    آدھا چائے کا چمچ

ہری مرچیں                             تین سے چار

ہرا دھنیا                                 آدھی گٹھی

ڈبل روٹی کے سلائس                  3 عدد

انڈے                                     2عدد

بریڈ کرمز                               حسب ضرورت

میدہ                                       2   کھانے نے چمچ

کارن فلور                                2 کھانے کے چمچ

تیل                                         حسب ضرورت

ترکیب:

پین میں ایک کھانے کا چمچ تیل ڈال کر اس میں ادرک لہسن ڈالیں اور درمیانی آنچ پر ایک سے دو منٹ فرائی کریں۔ 

پھر اس میں صاف دھلی ہوئی چکن کی چھوٹی بوٹیاں کر کے ڈالیں اور اسے ڈھک کر ہلکی آنچ پر پکائیں۔ 

جب چکن کا پانی خشک ہوجائے تو اس میں نمک٬ سرکہ٬ سویا ساس اور چلی ساس ڈال کر ایک سے دو منٹ پکائیں اور چولہے سے اتار لیں۔

چاپر میں ڈبل روٹی کے سلائس٬ ہرا دھنیا٬ اور ہری مرچیں ڈال کر چاپ کریں پھر اس میں چکن ڈال کر چاپ کرلیں- 

اس مکسچر کو چاپر سے نکال کر اس میں کالی مرچ٬ اجوائن٬ مسٹرڈ پیسٹ اور ایک پھینٹا ہوا انڈا شامل کریں اور اچھی طرح ملا لیں- 

چیز کو اسٹک کی طرح کاٹ لیں اور چکن مکسچر کا تھوڑا سا حصہ ہاتھ میں رکھیں اور اس کے درمیان میں چیز اسٹک رکھ کر رول بنا لیں- 

انڈے کو پھینٹ کر اس میں میدہ اور کارن فلور ملا لیں٬ رول کو پہلے انڈے کے مکسچر میں ڈپ کریں پھر ڈبل روٹی کا چورا لگا کر کڑاہی میں گرم آئل میں سنہری فرائی کرلیں-