پارلیمنٹیرینز اور اراکین صوبائی اسمبلیوں کو مالی گوشوارے جمع کرانے کی ہدایت
اسلام آباد:الیکشن کمیشن نے پارلیمنٹرینز اور اراکین صوبائی اسمبلیوں کو 31 دسمبر تک مالی گوشوارے جمع کرانے کی ہدایت کردی۔
پارلیمنٹیرینز اور اراکین صوبائی اسمبلیوں کے مالی سال 19-2018کے گوشواروں کی تفصیلات جمع کرانے کے معاملے پرالیکشن کمیشن نے اراکین کو ایک بار پھر یاد دہانی کا نوٹس بھیج دیا۔
الیکشن کمیشن کی جانب سے جاری نوٹس کے مطابق تمام پارلیمنٹیرینز اور اراکین صوبائی اسمبلی اپنے بیوی بچوں اور زیر کفالت افراد کے گوشواروں کی تفصیلات جمع کرائیں۔31 دسمبر تک گوشواروں کی تفصیلات جمع نہ کرانے والے پارلیمنٹرینز کی رکنیت معطل کر دی جائے گی۔
الیکشن کمیشن یکم جنوری کو گوشواروں کی تفصیلات جمع نہ کرانے والے پارلیمنٹیرینز کی تفصیلات جاری کرے گا۔
الیکشن کمیشن گوشواروں کی تفصیلات جمع نہ کرانے والے اراکین قومی و صوبائی اسمبلی اور سینیٹرز کی رکنیت 16 جنوری کو معطل کر دے گا۔رکنیت معطل ہونے والے اراکین کسی بھی اجلاس اور قانون سازی میں حصہ نہیں لے سکیں گے۔
الیکشن کمیشن کے مطابق گوشواروں کی غلط تفصیلات دینے والے پارلیمنٹیرینز اور اراکین صوبائی اسمبلیوں کے خلاف کارروائی کی جائے گی۔
Comments are closed on this story.