الاسکا: امریکا کی ریاست الاسکا میں شدید زلزلے کے باعث مقامی ایئر پورٹ، یونیورسٹی، متعدد سڑکیں اور پل بند کر دیے گئے، زلزلے کے باعث متعدد عمارتوں کو بھی نقصان پہنچا۔ Pipes broken pic.twitter.com/a60pf39JyH — Chase (@Chase_AK) November 30, 2018 امریکی جیولوجیکل سروے کے مطابق زلزلے کی شدت 7 ریکارڈ کی گئی ہے، زلزلے کی گہرائی 25 کلومیٹر اور مرکز الاسکا کی میونسپلٹی اینکوریج سے 13 کلومیٹرشمال میں تھا۔ زلزلے سے متعدد عمارتوں اور گھروں کو جزوی نقصان پہنچا تاہم کسی جانی نقصان کی اطلاع نہیں ملی۔ علاقے میں بجلی کی فراہمی معطل اور گیس لائنیں ٹوٹ پھوٹ کا شکار ہوگئیں۔ زلزلے کے بعد جاری سونامی وارننگ واپس لے لی گئی۔
