نیویارک: امریکی کمپنی "اسپیس ایکس" کے بانی اور چیف ایگزیکٹو آفیسر ایلون مسک نے کچھ عرصہ قبل کہا تھا کہ وہ سیٹلائٹس کے ایک نیٹ ورک کے ذریعے دنیا کو خلاء سے تیزرفتار انٹرنیٹ کی فراہمی ممکن بنائیں گے۔ اس حوالے سے انہیں ایک بڑی کامیابی مل گئی ہے۔
خبر رساں ادارے کے مطابق گزشتہ روز ایلون مسک نے اس خلائی انٹرنیٹ کے ذریعے اپنے ٹوئٹر اکاﺅنٹ سے ایک ٹویٹ کی، جس کا مطلب ہے کہ یہ انٹرنیٹ اب چالو ہو چکا ہے اور جلد دنیا اس تیز ترین رفتار والے انٹرنیٹ سے مستفید ہو سکے گی۔
رپورٹ کے مطابق اس خلائی انٹرنیٹ کو ایلون مسک نے "سٹار لنک" کا نام دیا تھا۔ چنانچہ انہوں نے اپنی اس ٹویٹ میں لکھا کہ 'میں یہ ٹویٹ خلاءمیں موجود اسٹارلنک سیٹلائٹ کے ذریعے کر رہا ہوں۔'
Sending this tweet through space via Starlink satellite 🛰
— Elon Musk (@elonmusk) October 22, 2019
اس کے بعد انہوں نے ایک اور ٹویٹ کی جس میں پہلی ٹویٹ کامیابی سے پوسٹ ہونے پر خوشی کا اظہار کیا گیا تھا۔
اس دوسری ٹویٹ میں انہوں نے لکھا کہ 'واہ، یہ انٹرنیٹ کام کر رہا ہے۔'
Whoa, it worked!!
— Elon Musk (@elonmusk) October 22, 2019
رپورٹ کے مطابق اسپیس ایکس نے اپنے اسٹارلنک منصوبے کے تحت 60 سیٹلائٹس خلاء میں بھیجی ہیں۔ ایلون کا کہنا ہے کہ وہ ان سیٹلائٹس کی تعداد 30 ہزار تک لیجائیں گے جس کے بعد پوری دنیا اس ایک انٹرنیٹ نیٹ ورک سے منسلک ہو جائے گی۔
امکان ظاہر کیا جا رہا ہے کہ آئندہ سال کے وسط تک یہ انٹرنیٹ سروس چالو ہو جائے گی۔
