موڈیز نے پاکستان کا معاشی آؤٹ لک 'منفی' سے بدل کر 'مستحکم' کر دیا۔ وزارت خزانہ کا کہنا ہے کہ 'مستحکم' درجے میں ترقی ملکی معیشت کو سنبھالنے کی حکومتی کوششوں پر اعتماد کا اظہار ہے۔
وزارت خزانہ کے مطابق موڈیز نے پاکستان کی ساورن کریڈٹ ریٹنگ کی ’بی تھری‘ کے طور پر نئے سرے سے تصدیق کی ہے۔
معاشی آؤٹ لک کی 'منفی' سے 'مستحکم' درجے میں ترقی ملکی معیشت کو سنبھالنے اور مستحکم بنانے کی حکومتی کوششوں پر اعتماد کا اظہار ہے۔
وزارت خزانہ کا کہنا ہے کہ حکومت مستقبل میں تیز تر، پائیدار اور یکساں معاشی ترقی کو مضبوط بنیادوں پر استوار کرنے کے لیے معاشی اصلاحات کے ایجنڈا پر گامزن رہے گی۔