لاہور: وزیراعلیٰ پنجاب عثمان بزدار سے لاہور قلندرز کے چیف ایگزیکٹو رانا عاطف کی ملاقات ہوئی جس میں صوبے میں کھیلوں، خصوصاً کرکٹ کے فروغ کیلئے اقدامات پر بات چیت ہوئی۔
رانا عاطف نے وزیراعلی کو ٹیلنٹ ہنٹ پروگرام کے حوالے سے آگاہ کیا، عثمان بزدار نے کرکٹ کے فروغ کیلئے لاہور قلندرز کے مثالی اقدامات کو سراہا۔
وزیراعلی نے کہا کہ جنوبی پنجاب میں بے پناہ ٹیلنٹ ہے، نوجوانوں کو مزید سہولتیں فراہم کریں گے۔ یہ بھی کہا کہ ٹیلنٹ ہنٹ پروگرام کو نچلی سطح تک لیکر جانے کی ضرورت ہے۔
انہوں نے مزید کہا کہ کھیلوں کے فروغ میں نجی شعبے کے پرموٹرز کی حوصلہ افزائی کی جائے گی۔
