وفاقی وزیر اطلاعات و نشریات سینیٹر شبلی فراز نے اعتماد کا اظہار کیا ہے کہ پاکستان فنانشل ایکشن ٹاسک فورس کی گرے لسٹ سے باہر آجائے گا۔
ایک ٹویٹ میں ان کا کہنا تھا کہ جوپاکستان کو بلیک لسٹ میں دھکیلنا چاہتے ہیں وہ اپنے مذموم مقاصد میں کامیاب نہیں ہوں گے۔
شبلی فراز نے کہا کہ دشمنوں کی گھناونی کوششوں کو ناکام بنانے کےلئے وزیراعظم عمران خان کی قیادت میں قومی مفاد میں قانون سازی کی جاچکی ہے۔
انہوں نے کہا کہ اپوزیشن جماعتوں نے ایک بار پھر قومی مفاد کے بجائے منفی رویے کو ترجیح دی ہے۔
عمران خان کی قیادت میں قومی مفادکی قانون سازی سےپاکستان کے دشمنوں کے عزائم خاک میں ملیں گے۔بلیک لسٹ میں پاکستان کا نام شامل ہونے کے سیاہ خواب دیکھنے والے مذموم ارادوں میں کبھی کامیاب نہیں ہوں گے۔پاکستان گرے لسٹ سے نکلےگا۔اپوزیشن نے ایک بار پھر قومی مفاد کے منافی رویہ اختیار کیا۔
— Senator Shibli Faraz (@shiblifaraz) September 17, 2020
