اسٹیٹ بینک نئی مانیٹری پالیسی کا اعلان کل کرے گا۔مارچ سے مئی کے دوران شرح سود میں چھ فیصد سے زائد کمی کی گئی۔اقتصادی ماہرین کا کہنا ہے کہ موجودہ معاشی صورتحال کے پیش نظر پالیسی ریٹ مستحکم رہنے کا امکان ہے۔

اسٹیٹ بینک کی مانیٹری پالیسی کمیٹی کا اجلاس 21ستمبر کو ہوگا۔

کورونا کی صورتحال، افراط زر سمیت ملک کے معاشی شعبوں کا جائزہ لیاجائےگا۔جس کےبعدگورنراسٹیٹ بینک ڈاکٹررضاباقرپریس کانفرنس میں پالیسی ریٹ کا اعلان کریں گے۔

دوسری جانب اقتصادی ماہرین کا کہنا ہے کہ شرح سود میں معمولی کمی یا برقرار رہنے کا امکان ہے۔

اس سے قبل رواں سال مارچ سے مئی کے دوران پالیسی ریٹ میں چھ اعشاریہ دو پانچ فیصد کمی کی جاچکی ہے۔اس وقت بنیادی شرح سود سات فیصد ہے۔