لاہور: قومی کرکٹ ٹیم کے دورہ نیوزی لینڈ کی تیاری، لاہور کے مقامی ہوٹل میں کھلاڑیوں اور آفیشلز کی کورونا ٹیسٹنگ مکمل ہوگئی۔ ٹیسٹ منفی آنے پر وہ بائیو سیکیور ببل کا حصہ بن جائیں گے اور نیوزی لینڈ جانے کے اہل ہونگے۔

تفصیلات کے مطابق گزشتہ شب قومی کھلاڑی اور آفیشلز لاہور کے مقامی ہوٹل پہنچے جہاں آج اُن کی کورونا ٹیسٹنگ ہوئی۔ پاکستانی ٹیم 23 نومبر کی صبح نیوزی لینڈ کیلئے اڑان بھرے گی۔

دورے میں 3 ٹی ٹوئنٹی اور 2 ٹیسٹ میچز کھیلے جائیں گے، سیریز کا آغاز 18 دسمبر سے ہوگا۔