بھارت اور آسٹریلیا کے درمیان کھیلے گئے دوسرے ون ڈے میچ کے دوران دو دلوں کا ملاپ بھی ہوا جس کی ویڈیو سوشل میڈیا پر وائرل ہوچکی ہے۔
سڈنی کرکٹ گراؤنڈ میں بھارت اور آسٹریلیا درمیان جاری دوسرے ون ڈے میچ میں بھارت کی اننگز کے دوران سٹینڈز میں بھارتی مداح نے اپنی دوست کو شادی کی پیش کش کردی ، لڑکی کے ہاں کہنے پر سٹیڈیم میں موجود مداحوں نے جشن منانے کے ساتھ ساتھ دونوں کو مبارک باد بھی دی ۔
آسٹریلوی آل راؤنڈر گلین میکسویل بھی تالیاں بجا کر جوڑے کو مبارک باد دیتے نظر آئے۔