وزیر اعظم عمران خان نے برآمدات میں اضافے کےلئے ایکسپورٹ ڈیویلپمنٹ بورڈ کے قیام کی اصولی طور پر منظوری دی ہے۔
وزیراعظم نےیہ منظوری پیر کواسلام آباد میں مشیرِ تجارت عبد الرزاق داؤد کے ساتھ کی گئی ملاقات میں دی۔
وزیراعظم ایکسپورٹ ڈیویلپمنٹ بورڈ کے صدر ہوں گے جبکہ برآمدات سے وابستہ تمام فریقوں کو بورڈ میں نمائندگی دی جائے گی۔
ایکسپورٹ ڈیویلپمنٹ بورڈ کا اجلاس ہر ماہ بلایا جائے گا جس میں برآمد کنندگان کو مدعو کیا جائے گا تاکہ اُن کے ساتھ مسائل ترجیحی بنیادوں پر حل کیے جاسکیں۔