سینیٹ انتخابات اوپن بیلٹ سے متعلق صدارتی ریفرنس پر سماعت کے دوران سینیٹر رضا ربانی نے دلائل دیئے کہ سینیٹ کا الیکشن عارضی قانون کے تحت نہیں ہوسکتا،

سینیٹ انتخابات اوپن بیلٹ سے متعلق صدارتی ریفرنس پر سماعت ہوئی۔

سماعت میں چیف جسٹس نے ریمارکس دیئے کہ جمہوریت میں فیصلےپارٹی کرتی ہے قیادت نہیں، آئین میں پارٹیوں کا ذکر ہے، شخصیات کا نہیں۔

سینیٹر رضا ربانی نے دلائل دیئے کہ سینیٹ کا الیکشن عارضی قانون کے تحت نہیں ہوسکتا، آرڈیننس کی مدت ایک سوبیس دن ہوتی ہے، فاروق ایچ نائیک نے دلائل دیئے کہ۔ اگر پارلیمنٹ کوئی ایسا قانون بنائے جو آئین سے متصادم ہو تو یہ عدالت اسے کالعدم قراردے سکتی ہے۔

سندھ ہائیکورٹ بار ایسوسی ایشن کے وکیل صلاح الدین نے اپنے دلائل میں کہا کہ حکومت عدلیہ سے کھلواڑ کر رہی ہے، عدالت اس ریفرنس کو اٹھا کر باہر پھینک دے۔

اٹارنی جنرل عدالت سے رائے دینے کا نہیں بلکہ اوپن بیلٹ سے الیکشن کرانے کی استدعا کرتے رہے،عدالت نے کیس کی سماعت کل تک ملتوی کر دی۔