سندھ ہائی کورٹ نےعامرلیاقت کا پوسٹ مارٹم کروانے کی تمام درخواستیں مسترد کرتے ہوئے ایڈیشنل ڈسٹرکٹ اینڈ سیشن جج شرقی کا فیصلہ برقراررکھا ہے۔

عامرلیاقت کا پوسٹمارٹم کروانے کی درخواست شہری عبد الاحد کی جانب سے دائرکی گئی تھی جبکہ سابق اہلیہ دانیہ شاہ بھی درخواست میں فریق تھیں۔

اس سے قبل مقامی عدالت نے مرحوم عامر لیاقت حسین کے پوسٹ مارٹم کا فیصلہ کالعدم قراردے دیا تھا۔

عامر لیاقت 9 جون کو اپنے کمرے میں بے ہوش پائے گئے تھے، ملازمین کی اطلاع پراسپتال منتقل کیا گیا جہاں ان کی موت کی تصدیق کی گئی تھی۔