اسلام آباد:وزیراعظم عمران خان نے بھارت میں مسلم کش فسادات پر بیان دیتے ہوئے کہا ہے کہ کشمیر آغازتھا،آج ہندوستا ن میں مقیم 20کروڑمسلمان نشانے پر ہیں ،عالمی برادری کے لیے کچھ کرنے کا بلاشبہ یہی وقت ہے۔

وزیراعظم عمران خان نے سماجی رابطے کی ویب سائٹ ٹوئٹر پر اپنے ٹویٹ میں کہا کہ آگاہ رہو !پاکستان میں اگر کسی نے بھی غیر مسلم شہریوں پر ہاتھ اٹھانے کی کوشش کی یا کسی عبادت گاہ کی جانب بری نظر سے دیکھا تو نہایت سختی سے پیش آئیں گے، ہماری اقلیتیں اس ملک کی برابر کی شہری ہیں۔

آگاہ رہو! پاکستان میں اگر کسی نے بھی غیر مسلم شہریوں پر ہاتھ اٹھانے کی کوشش کی یا کسی عبادت گاہ کی جانب بری نظر سے دیکھا تو نہایت سختی سے پیش آئیں گے۔ ہماری اقلیتیں اس ملک کی برابر کی شہری ہیں۔

— Imran Khan (@ImranKhanPTI) February 26, 2020

وزیراعظم نے بھارت کے ظالمانہ اقدامات اور مسلم دشمنی کی مذمت کرتے ہوئےکہا کہ آج ہم جوہری صلاحیت کی حامل ایک  ارب سے زائد انسانوں پر مشتمل ریاست بھارت کو نازی ازم کی وارث آر ایس ایس کے ہاتھوں میں گرتا دیکھ رہے ہیں۔

عمران خان کا مزید کہنا تھا کہ نفرت کی بنیاد پر نسل پرستانہ نظریات کا حامل گروہ جب بھی غالب آتا ہے،قتل و غارت گری اورخونریزی کے دروازے کھل جاتے ہیں۔

آج ہم جوہری صلاحیت کی حامل 1 ارب سے زائد انسانوں پر مشتمل ریاست بھارت کو نازی ازم کی وارث آر ایس ایس کے ہاتھوں میں گرتا دیکھ رہے ہیں۔ نفرت کی بنیاد پر نسل پرستانہ نظریات کا حامل گروہ جب بھی غالب آتا ہے، قتل و غارت گری اور خونریزی کے دروازے کھل جاتے ہیں۔

— Imran Khan (@ImranKhanPTI) February 26, 2020

وزیراعظم عمران خان نے اپنے ٹویٹ میں کہا کہ گزشتہ برس اقوام متحدہ کی جنرل اسمبلی سےاپنے خطاب  میں میں نے پیش گوئی کی تھی کہ ایک مرتبہ جن بوتل سے باہر آیا تو خونریزی میں شدت آئے گی۔

وزیراعظم نے مزید کہا کہ کشمیرآغازتھا،آج ہندوستا ن میں مقیم 200ملین (20کروڑ)مسلمان نشانے پر ہیں ،عالمی برادری کے لیے کچھ کرنے کا بلاشبہ یہی وقت ہے۔

گزشتہ برس اقوام متحدہ کی جنرل اسمبلی سے اپنے خطاب میں میں نے پیش گوئی کی تھی کہ ایک مرتبہ جن بوتل سے نکل آیا تو خونریزی میں شدت آئے گی۔ کشمیر آغاز تھا، آج ہندوستان میں مقیم 200 ملین (20 کروڑ) مسلمان نشانے پر ہیں۔ عالمی برادری کیلئے کچھ کرنے کا بلاشبہ یہی وقت ہے۔

— Imran Khan (@ImranKhanPTI) February 26, 2020