لاہور:مسلم لیگ ن کے رہنماء اور پنجاب اسمبلی میں قائد حزب اختلاف حمزہ شہباز میں کورونا وائرس کی تصدیق ہوگئی۔

کوٹ لکھپت جیل میں قید مسلم لیگ ن کے رہنماء حمزہ شہباز کورونا وائرس میں مبتلا ہوگئے، ان کا کورونا ٹیسٹ مثبت آگیا۔

مریم اورنگزیب کی حمزہ شہباز کا کوروناٹیسٹ مثبت آنےکی تصدیق

پاکستان مسلم لیگ (ن )کی ترجمان مریم اورنگزیب نے پنجاب اسمبلی میں قائدحزب اختلاف حمزہ شہباز کا کوروناٹیسٹ مثبت آنےکی تصدیق کردی اوران کو علاج کلئے فوری اسپتال منتقل کرنے کا مطالبہ کردیا۔

مریم اورنگزیب نےسماجی رابطے کی ویب سائٹ ٹوئٹر پر اپنےٹویٹ میں کہاکہ حمزہ شہبازکاکورونا کاٹیسٹ مثبت آیا ہے اور وہ گزشتہ3روزسے شدید بخارمیں مبتلا ہیں،بگڑتی ہوئی صورتحال کو دیکھتے ہوئے حمزہ شہبازکوکوٹ لکھپت جیل سےفوری اسپتال منتقل کیا جائے۔

پاکستان مسلم لیگ(ن) کی ترجمان مریم اورنگزیب کا حمزہ شہباز کو علاج کے لئے فوری ہسپتال منتقل کرنے کا مطالبہ

حمزہ شہباز کا کورونا کا ٹیسٹ مثبت آیا ہے اور وہ گزشتہ تین روز سے شدید بخار میں مبتلا ہیں

بگڑتی ہوئی صحت کو دیکھتے ہوئے انہیں کوٹ لکھپت جیل سے فوری ہسپتال منتقل کیا جائے

— Marriyum Aurangzeb (@Marriyum_A) September 12, 2020

ترجمان ن لیگ نے مزید کہا کہ حمزہ شہبازکےعلاج کی تمام قانونی ذمہ داریاں پوری کی جائیں،علاج میں سستی یا لاپرواہی سے حمزہ شہباز کی صحت خطرے سے دوچار ہوسکتی ہے،قوم اور پارٹی کارکنان سے اپوزیشن لیڈر کی صحت کیلئے دعا کی اپیل ہے۔

حمزہ شہباز کے علاج کی تمام قانونی زمہ داریاں پوری کی جائیں

علاج میں سستی یا لاپرواہی سے پنجاب اسمبلی میں قائد حزب اختلاف کی صحت خطرے سے دوچار ہوسکتی ہے

قوم اور پارٹی کارکنان سے حمزہ شہباز کی صحت کے لئے دعا کی اپیل ہے

— Marriyum Aurangzeb (@Marriyum_A) September 12, 2020

شہبازشریف کی حمزہ شہباز کاکورونا ٹیسٹ مثبت آنے کی تصدیق

مسلم لیگ ن کے صدر اور قومی اسمبلی میں اپوزیشن لیڈر شہبازشریف نے بھی اپنے بیٹے حمزہ شہباز کاکورونا ٹیسٹ مثبت آنے کی تصدیق کردی۔

میرے بیٹے حمزہ کو جیل میں کورونا ہوگیا ہے۔ مشرف دور میں نیب مقدمات کا ڈٹ کر مقابلہ کرنے کے بعد وہ اب نیب نیازی گٹھ جوڑ کے سیاسی انتقام کا انتہائی جراتمندی و ثابت قدمی سے سامنا کر رہا ہے۔ میری آپ سب سے درخواست ہے کہ حمزہ کی جلد صحتیابی کے لئے خصوصی دعا فرمائیں۔ جزاک اللہ خیر۔

— Shehbaz Sharif (@CMShehbaz) September 13, 2020

شہبازشریف نے سماجی رابطے کی ویب سائٹ ٹوئٹر اپنے ٹویٹ میں کہا کہ میرے بیٹےحمزہ شہبازکوجیل میں کوروناہوگیاہے،وہ سیاسی انتقام کا انتہائی جرات مندی سےسامنا کررہا ہے ،حمزہ شہباز کی جلد صحتیابی کیلئے دعا کریں۔

عطاء اللہ تارڑ کا حمزہ شہباز کو فوری اسپتال منتقل کرنے کا مطالبہ

دوسری جانب پاکستان مسلم لیگ(ن)کے ڈپٹی سیکریٹری جنرل عطااللہ تارڑ نے بھی سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ حمزہ شہباز کا کورونا ٹیسٹ مثبت آیا ہے،انہیں کوٹ لکھپت جیل سے فوراً اسپتال منتقل کیا جائے اور جلد سے جلد طبی سہولیات فراہم کی جائیں۔

Hamza Shehbaz sb has tested positive for COVID. Must be shifted to a medical facility from Kot Lakhpat prison as soon as possible.

— Attaullah Tarar (@TararAttaullah) September 12, 2020