بھارتی فوج کی ایل او سی پربلاشتعال فائرنگ سےبچی شہید،4افرادزخمی
راولپنڈی :بھارتی فوج نے ایل او سی پر بلاشتعال فائرنگ کی ،جس کے نتیجے میں 11سالہ بچی شہید اور معمر خاتون سمیت 4افراد زخمی ہوگئے۔
پاک فوج کے شعبہ تعلقات عامہ (آئی ایس پی آر)کے مطابق بھارت نے ایک بار پھر کنٹرول لائن پر سیز فائر معاہدے کی خلاف ورزی کرتے ہوئے شہری آبادی کو نشانہ بنایا۔
آئی ایس پی آر کے مطابق بھارتی فوج نے تتہ پانی اور رکھ چکری سیکٹروں پر خود کار بھاری ہتھیاروں اور مارٹرز گولوں سے شہری آبادی کو نشانہ بنایا،بھارتی فوج نے جان بوجھ کر بھاری ہتھیاروں سے شہری آبادی پر بلااشتعال فائرنگ کی۔
آئی ایس پی آر کے مطابق بھارتی اشتعال انگیزیوں سے 11 سالہ بچی شہید اور 4 شہری زخمی ہوئے، شدید زخمی ہونے والوں میں ایک معمر خاتون اور 2 بچے بھی شامل ہیں، جنہیں قریبی اسپتال منتقل کردیا گیا۔
Indian troops unprovoked #CFVs along #LOC targeting civil population with automatics & mortars in Hotspring and Rakhchikri Sectors. 11 years old innocent girl embraced shahadat, 4 civilians including a 75 yrs old woman & 2 young boys got injured.
— DG ISPR (@OfficialDGISPR) September 13, 2020
Pak Army responded effectively.
آئی ایس پی آر کا کہنا ہے کہ پاک فوج کی جانب سے بھی بھرپور جوابی کارروائی کی گئی، پاک فوج نے بھارتی چیک پوسٹوں کو نشانہ بنایااورشہری آبادی پر حملےکرنےوالی بھارتی چوکیوں کو تباہ کردیاگیا۔
Comments are closed on this story.