Aaj News

منگل, مارچ 05, 2024  
23 Shaban 1445  

عفت عمر اور علی گل پیر کے وارنٹ گرفتاری جاری

لاہور کے سیشن کورٹ کے جوڈیشل مجسٹریٹ یوسف عبدالرحمان نے عفت عمر...
شائع 09 ستمبر 2021 09:54am

لاہور کے سیشن کورٹ کے جوڈیشل مجسٹریٹ یوسف عبدالرحمان نے عفت عمر کی حاضری سے استثنیٰ کی درخواست مسترد کرتے ہوئے ان کے وارنٹ گرفتاری جاری کر دیئے ہیں۔ عدالت نے علی گل پیر کے ناقابل ضمانت وارنٹ گرفتاری بھی جاری کیے ہیں۔

گلوکار علی ظفر نے میشا شفیع کے ہراساں کرنے کے الزامات کے تناظر میں عفت عمر اور علی گل پیر کے خلاف ہتک عزت کا مقدمہ دائر کیا تھا۔

اس حوالے سے عفت عمر کی ایک چیٹ بھی منظرعام پر آئی ہے۔

عدالت نے گلوکارہ میشا شفیع کو بھی آئندہ سماعت پر طلب کیا ہے اور شریک ملزمہ لینا غنی ، فریحہ ایوب ، فیضان رضا اور حسیم زمان کی حاضری سے مستقل استثنیٰ کی درخواستیں خارج کر دی ہیں۔ عدالت نے کیس کی سماعت 6 اکتوبر تک ملتوی کردی۔

ایف آئی اے کے مطابق میشا شفیع اور عفت عمر نے علی ظفر کے خلاف ٹوئٹر پر جنسی ہراسانی کے الزامات عائد کیے تھے۔

وفاقی تحقیقاتی ادارے نے گزشتہ سال علی ظفر کی شکایت پر مقدمہ درج کیا تھا۔ اس نے میشا شفیع ، لینا غنی ، عفت عمر ، فریحہ ایوب ، فیضان رضا ، حسیم زمان ، علی گل پیر اور ماہم جاوید پر سوشل میڈیا پر ان کے خلاف مربوط بدنامی کی مہم چلانے کا الزام لگایا تھا۔

defamation case

ali zafar

Meesha Shafi

Ali Gul Pir

Comments are closed on this story.

تبصرے

تبولا

Taboola ads will show in this div