سابق وزیراعلی خیبرپختونخوا کے مشیر عبدالکریم خان کو اینٹی کرپشن عملے نے مردان میں احاطہ عدالت کے باہر سے گرفتار کرلیا، ان پر کرپشن کے الزامات ہیں۔

خیبر پختونخوا کے سابق وزیر اعلیٰ کے مشیر عبدالکریم خان مردان میں انسداد دہشت گردی کے عدالت میں پیشی کے لیے آئے تھے۔

عدالت سے واپس جاتے ہوئے اینٹی کرپشن پولیس نے ان کو گرفتار کرلیا۔

اسسٹنٹ ڈائریکٹر کرائمز مردان ریجن کے مطابق عبدالکریم خان پر صوابی میں محکمہ تعلیم میں غیر قانونی بھرتیوں کا الزام ہے۔ صوابی میں درج مقدمے میں ان کو گرفتار کرلیا گیا ہے۔