Aaj News

بدھ, مئ 29, 2024  
20 Dhul-Qadah 1445  

ملک کے تمام بڑے شہروں میں فارمیسی اور میڈیکل اسٹورز پر چھاپے

کراچی کی مختلف فارمیسیز سے جعلی ادوایات پکڑی گئی ہیں
شائع 19 نومبر 2023 11:29am
تصویر: اے ایف پی/ فائل
تصویر: اے ایف پی/ فائل

ملک کے تمام بڑے شہروں میں ڈسٹری بیوٹرز، فارمیسی اورمیڈیکل اسٹور پر ڈریپ کی جانب سے چھاپے مارے جارہے ہیں، اور کراچی کی مختلف فارمیسیز سے جعلی ادوایات پکڑی گئی ہیں۔

ملک میں جعلی آن رجسٹرڈ ادویات اور ناجائز منافع خوری کے خلاف کریک ڈاؤن جاری ہے، اور تمام شہروں میں ڈسٹری بیوٹرز، فارمیسی اور میڈیکل اسٹورزپر چھاپے جارہے ہیں۔

ڈریپ کی ٹیم نےکراچی کےمختلف علاقوں میں فارمیسی کا معائنہ کیا، اس دوران گلشن اقبال اور گلستان جوہر میں مختلف فارمیسیز سے جعلی ادوایات پکڑی گئیں، جب کہ کچھ اسٹورز پر ہیپارین انجکشن منظور شدہ قیمت 800 کے باجے 3500 روپے میں فروخت ہو ریا تھا۔

ترجمان وزارت صحت نے بتایا کہ جعلی آن رجسٹرڈ ادویات کو قبضے میں لے لیا گیا ہے، جب کہ فارمیسی مالکان کیخلاف ڈریپ ایکٹ کے تحت کارروائی شروع کردی گئی ہے۔

نگراں وزیر صحت ندیم جان کا کہنا ہے کہ عوام کو لوٹنے والے عناصرکے خلاف کارروائی کی جائے گی۔

Drape

medical news today