آسٹریلیا کے خلاف پرتھ ٹیسٹ کیلئے میلبرن میں موجود قومی کرکٹ ٹیم کو ایک اور جھٹکا لگا ہے، فاسٹ باؤلر خرم شہزاد آسٹریلیا کے خلاف ٹیسٹ سیریز سے باہر ہوگئے ہیں۔

گزشتہ روز پی سی بی نے بتایا تھا کہ خرم شہزاد انجری کا شکار ہوئے ہیں اور ان کا ایم آر آئی کرایا گیا ہے۔

پی سی بی کے مطابق فاسٹ باؤلر پسلی میں فریکچر کے باعث ٹیسٹ سیریز سے باہر ہوئے، انہیں پہلے ٹیسٹ کے دوران بائیں پسلی میں تکلیف کی شکایت کی تھی۔

ذرائع کے مطابق پی سی بی اسپیشلسٹ سے کنسلٹ کرنے کے بعد آئندہ کا پلان طے کرے گا۔

فاسٹ باؤلر کا این سی اے میں ری ہیب شروع کیا جائے گا۔

دوسری جانب پاکستان ٹیم نےایم سی جی میں کمرکس لی ہے، کھلاڑیوں نےفزیکل ٹریننگ اور فیلڈنگ کی مشقیں کیں۔

قومی کرکٹرز نے نیٹس میں بیٹنگ اور بالنگ کی جم کر پریکٹس کی۔

دوسرا ٹیسٹ 26 دسمبر کو باکسنگ ڈے پر شروع ہوگا۔