سینئربلے باز محمد حفیظ نے غیر ذمہ داری کی حد کردی، پوور شاٹ سلیکشن کے باعث میگا ایونٹ میں تیسری بار پارٹ ٹائم اسپنر کو وکٹ دے بیٹھے۔

آج بھی پارٹ ٹائم اسپنر نیوزی لینڈ کے کپتان کین ولیمسن کی گیند پر باؤنڈری پر کیچ دے بیٹھے۔

اس سے قبل آسٹریلیا کیخلاف فنچ کی گیند پرغیرضروری شاٹ کھیلا تھا جبکہ جنوبی افریقا کی میچ میں بھی مارکرام کو تحفے میں وکٹ دی تھی۔

بھارت کیخلاف بھی ہاتھوں میں کیچ دیا تھا، کیا ایسے ہوتے ہیں سینئر؟ جو بنتے ہیں پروفیسر۔۔۔ لیکن خود کو بدلنے میں ہیں بالکل صفر۔۔۔

میگا ایونٹ میں پاکستانی ٹیم کو مزید آگے لے جانے کیلئے انہیں اپنی اس کمزوری پر جلد از جلد قابو پانا ہوگا ورنہ اس چیز کا بھاری خمیازہ ہماری ٹیم کو بھگتنا پڑے گا۔