برازیلین صدر جیئر بولسونارو کے ہمراہ جی 20 اجلاس میں شرکت کیلئے جاپان جانے والی فوجی سے تقریباً 40 کلو گرام کوکین برآمد ہوئی جس کے بعد اسے گرفتار کرلیا گیا۔

غیرملکی میڈیا رپورٹس کے مطابق برازیلین صدر کی ایڈوانس ٹیم میں شامل اہلکار کے سامان سے اسپین کے ائیرپورٹ پر تلاشی کے دوران 39 کلو گرام کوکین برآمد ہوئی۔

اسپین پولیس حکام کے مطابق منگل کے روز متعلقہ شخص کو جنوب مغربی اسپین کے راستے جاپان جاتے ہوئے گرفتار کیا گیا جس کے سوٹ کیس میں صرف منشیات موجود تھیں۔

ملزم کو عدالت میں پیش کیا گیا تو عدالت نے ملزم کو حراست میں رکھنے کا حکم دیا ہے۔

اس واقعے کے بعد عالمی سطح پر شرمندگی کا سامنا ہوا تو برازیلین صدر بولسونارو نے سوشل میڈیا پر اپنے ٹویٹ میں وعدہ کیا کہ جو عناصر منشیات کی اسمگلنگ میں ملوث ہیں ان کے اس کے خلاف سخت اقدامات اٹھائے جائیں گے۔

انہوں نے منشیات اسمگلنگ کے الزام میں ایک فوجی کی گرفتاری کی تصدیق کرتے ہوئے وزارت دفاع کو ہسپانوی پولیس سے تعاون کرنے کا حکم دیا ہے۔