Aaj TV News

BR100 4,267 Increased By ▲ 36 (0.86%)
BR30 21,570 Increased By ▲ 180 (0.84%)
KSE100 41,069 Increased By ▲ 262 (0.64%)
KSE30 17,282 Increased By ▲ 122 (0.71%)

لاہور کی انسداد دہشت گردی عدالت نے نیب آفس ہنگامہ آرائی کیس میں رانا ثناءاللہ اور محمد صفدر سمیت دیگر لیگی ارکان کی عبوری ضمانت میں بیس اکتوبر تک توسیع کر دی۔

انسداد دہشت گردی عدالت میں مریم نواز کی پیشی پر ہنگامہ آراٸی کیس کی سماعت ہوئی۔

ملزمان کے وکیل نے کہا حکومت کی ایما پر تیئس دن کے بعد مقدمے میں دہشت گردی کی دفعات شامل کروائی گئیں۔ سی سی پی او لاہور کی تعیناتی کے فوری بعد یہ دفعات شامل کی گٸیں۔ جس سے بدنیتی ثابت ہوتی ہے۔

دلائل کے بعد عدالت نے رانا ثناءاللہ اور کیپٹن صفدر سمیت دیگر لیگی ارکان کی عبوری ضمانت میں بیس اکتوبر تک توسیع کر دی۔

مسلم لیگ نون کے رہنما محمد صفدر نے وزیر اعظم عمران خان پر قاتلانہ حملہ کرانے کا الزام لگا دیا۔

محمد صفدر نے کہا شہزاد اکبر بھی اس میں ملوث ہیں۔ اپوزیشن کو دبانے کیلئے حکومت نے ان کیخلاف کیسز بنائے ہیں۔

انہوں نے مزید کہا کہ سی سی پی او لاہور عمران خان کی ٹیم کا حصہ ہیں۔

محمد صفدر نے چیئرمین نیب کو کرپٹ ترین انسان قرار دے دیا۔