علامہ خادم حسین رضوی کے انتقال پر وزیراعظم اور آرمی چیف کا اظہارافسوس
اسلام آباد: تحریک لبیک پاکستان (ٹی ایل پی )کے سربراہ علامہ خادم حسین رضوی کے انتقال پر وزیراعظم عمران خان اور آرمی چیف جنرل قمر جاوید باجوہ نے افسوس کا اظہار کیا ہے۔
سماجی رابطے کی ویب سائٹ ٹوئٹر پر وزیراعظم عمران خان نے علامہ خادم حسین رضوی کے انتقال پر افسوس کا اظہار کیا اورمرحوم کے درجات بلندی کیلئے دعا کی۔
On the passing of Maulana Khadim Hussain Rizvi my condolences go to his family. Inna lillahi wa inna ilayhi raji'un.
— Imran Khan (@ImranKhanPTI) November 19, 2020
وزیراعظم نے ٹوئٹر پیغام کے ذریعے علامہ خادم حسین کے اہل خانہ سے تعزیت کا بھی اظہار کیا ۔
آرمی چیف کاعلامہ خادم حسین رضوی کی وفات پراظہارافسوس
پاک فوج کے شعبہ تعلقات عامہ (آئی ایس پی آر )کے مطابق آرمی چیف جنرل قمر جاوید باجوہ نے بھی تحریک لبیک پاکستان کے سربراہ علامہ خادم حسین رضوی کے انتقال پر افسوس کا اظہار کیا ہے۔
ڈی جی آئی ایس پی آر کی جانب سے جاری بیان کے مطابق آرمی چیف نے علامہ خادم حسین رضوی کے انتقال پر گہر ے رنج کا اظہار کیا ۔
General Qamar Javed Bajwa,#COAS, expresses heartfelt condolence on the sad demise of Allama Khadim Hussain Rizvi. “May Allah Almighty bless the departed soul in eternal peace, Ameen” COAS.
— DG ISPR (@OfficialDGISPR) November 19, 2020
آرمی چیف نے علامہ خادم حسین رضوی کیلئے دعائیہ کلمات استعمال کرتے ہوئے کہا ہے کہ اللہ مرحوم کو اپنے جوار رحمت میں جگہ عطاء فرمائے، آمیں۔
خادم حسین رضوی کے انتقال پرسیاسی اور مذہبی رہنماؤں کا افسوس کا اظہار
دوسری جانب تحریک لبیک پاکستان کے سربراہ علامہ خادم حسین رضوی کے انتقال پر سیاسی اور مذہبی جماعتوں کے رہنماؤں کی جانب سے گہرے دکھ اور افسوس کا اظہار کیا گیا۔
وفاقی وزیر مذہبی امور نورالحق قادری نے علامہ خادم حسین رضوی کے انتقال پر افسوس کا اظہار کرتے ہوئے کہا کہ پاکستان ایک سچے عاشق رسول سے محروم ہوگیا۔
امیر جماعت اسلامی سینیٹر سراج الحق نے علامہ خادم حسین رضوی کے انتقال پر اہل خانہ سے اظہار تعزیت کیا اور مرحوم کے بلند درجات کی دعا کی۔
سراج الحق نے کہا کہ خادم حسین رضوی کی اچانک وفات سے دلی صدمہ پہنچا ہے، اہل خانہ اور تحریک لبیک کے کارکنان اور ذمہ داران کے غم میں برابر کے شریک ہیں ،اظہار تعزیت کرتے ہیں اور اللہ تعالیٰ کے حضو ر ان کی مغفرت کیلئےدعا گو ہیں۔
وزیرخارجہ شاہ محمود قریشی اور علامہ طاہر اشرفی نے بھی سربراہ تحریک لبیک کے انتقال پر گہرے رنج کا اظہار کیا۔
گورنر پنجاب اور چوہدری برادران کہتے ہیں مرحوم کی دین اسلام کیلئے خدمات کو ہمیشہ یاد رکھا جائےگا۔
Comments are closed on this story.