Aaj News

ہفتہ, جولائ 13, 2024  
06 Muharram 1446  

پاکستانیوں کے اکاؤنٹ بند کرنے پر پی ٹی اے کا ٹوئٹر انتظامیہ سے رابطہ

سماجی رابطوں کی ویب سائٹ ٹوئٹر کی جانب سے کشمیریوں کی حمایت میں...
شائع 10 فروری 2021 09:12am
سائنس

سماجی رابطوں کی ویب سائٹ ٹوئٹر کی جانب سے کشمیریوں کی حمایت میں پوسٹ لگانے پر پاکستانیوں کے اکاؤنٹ بند کرنے کے معاملے پر پی ٹی اے نے ٹوئٹر انتظامیہ سے رابطہ کرلیا ہے۔

سماجی رابطوں کی ویب سائٹ ٹوئٹر پر جاری اپنے پیغام میں پاکستان ٹیلی کمیونیکیشن اتھارٹی (پی ٹی اے) کی جانب سے کہا گیا ہے کہ پاکستانی صارفین کےٹوئٹراکاوَنٹس بلاک کرنےکامعاملہ ٹوئٹرانتظامیہ کیساتھ اٹھایا ہے۔

پی ٹی اے کے مطابق صارفین کی جانب سے اکاؤنٹس بلاک اور معطل ہونے کی 369 شکایات موصول ہوئیں۔ 280 اکاؤنٹس ایسے تھے جو مقبوضہ کشمیر کے عوام کی حمایت میں پوسٹ کرنے پر معطل کیے گئے ہیں۔

پی ٹی اے کے مطابق ٹوئٹر انتظامیہ کو پاکستانی صارفین سےمتعلق اپنے متعصبانہ رویہ پر غور کرنے کا کہا گیا، اس کے ساتھ ہی پی ٹی اے کی جانب سے ٹوئٹر انتظامیہ کو لکھے گئے خط کی کاپی بھی شیئر کی گئی۔

ٹویٹر