Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

بولی وڈ انڈسٹری کے لیجنڈری اداکار و شہنشاہِ جذبات محمد یوسف خان المعروف دلیپ کمار جہانِ فانی سے کوچ کرگئے ہیں۔

دلیپ کمار ایک طویل عرضہ سے بیمار تھے ممبئی کے ہندوجا اسپتال میں زیر علاج تھے۔ ہندوجا اسپتال کے پلمونولوجسٹ ڈاکٹر جلیل پارکر نے ان کے انتقال کا اعلان کیا تھا۔

دلیپ کمار کے آفیشل ٹوئٹر اکاؤنٹ سے ان کے انتقال کی تصدیق کی گئی ہے۔

ان کی اہلیہ سائرہ بانو ہمیشہ دعاؤں کی اپیل کرتی رہتی تھی۔ تاہم آج اس بری خبر کے آنے کے بعد بولی وڈ میں غم کی لہر دوڑ گئی ہے۔ دلیپ کمار نے آج صبح 7 بج کر 30 منٹ پر آخری سانس لی ہے۔ انتقال کے وقت ان کی عمر 98 برس تھی۔

دلیپ کمار نے 65 سے زائد فلموں میں اپنی اداکاری کے جوہر دکھائے۔ انہوں نے 1944 میں "جوار بھاٹا" میں ڈیبیو کیا تھا لیکن 1949 کی ہٹ فلم انداز نے انہیں شہرت بخشی تھی۔

یہ بھی پڑھیں: دلیپ کمار کی یہ فلمیں ضرور دیکھیں

دلیپ کمار 1922 میں پشاور میں ایک مسلمان پیدا ہوئے، جہاں ان کا آبائی گھر اب بھی موجود ہے۔

دلیپ کمار نے اپنے فلمی کریئر میں متعدد بلاگ بسٹرز فلمیں کیں جن میں نیا دور، مغلِ اعظم، دیوداس، رام اور شام، انداز، مدھومتی اور گنگا جمنا جیسی فلمیں شامل ہیں۔

دلیپ کمار نے فلمی دنیا کے کئی ایوارڈز اپنے نام کیے تھے اور انہیں پہلا فلم فیئر ایوارڈ حاصل کرنے کا بھی اعزاز حاصل ہے۔ انہوں نے مجموعی طور پر آٹھ فلم فیئر ایوارڈز حاصل کیے تھے۔

یوسف خان نے 1966 میں اپنی ساتھی اداکارہ سائرہ بانو سے شادی کی، سائرہ نے دلیپ کے ساتھ فلم گوپی، سگینہ اور بیراج میں کام کیا تھا۔