Aaj TV News

BR100 4,668 Increased By ▲ 50 (1.09%)
BR30 20,892 Increased By ▲ 107 (0.52%)
KSE100 44,822 Increased By ▲ 488 (1.1%)
KSE30 17,521 Increased By ▲ 178 (1.03%)
COVID-19 TOTAL DAILY
CASES 1,263,664 893
DEATHS 28,252 24
Sindh 465,175 Cases
Punjab 437,572 Cases
Balochistan 33,114 Cases
Islamabad 106,402 Cases
KP 176,650 Cases

پنجاب حکومت نے پانچ اضلاع میں 26 جولائی سے گھر گھر کورونا ویکسینیشن مہم شروع کرنے کا فیصلہ کرلیا، 14 اگست سے قبل 18 سال سے زائد عمر کی 40 فیصد آبادی کو ویکیسن لگانے کا ہدف پورا کیا جائے گا۔

سول سیکرٹریٹ لاہور میں کورونا کی چوتھی لہر پر قابو پانے کیلئے وزیر صحت ڈاکٹر یاسمین راشد کی صدرات میں اہم اجلاس منعقد ہوا۔

اجلاس میں 40 فیصد ویکسی نیشن کا ہدف حاصل کرنے کیلئے پولیو مہم کی طرز پر گلی گلی اور گھر گھر جا کر کورونا ویکسین لگانے کا فیصلہ کیا گیا۔

ویکسینیشن کیلئے ضلع لاہور، فیصل آباد، گوجرانوالہ، ملتان اور راولپنڈی کا انتخاب کیا گیا ہے۔

وزیر صحت ڈاکٹر یاسمین راشد کا کہنا تھا کہ این سی او سی نے 14 اگست تک 18سال سے زائد عمر کی 40 فیصد آبادی کو ویکسین لگانے کا ہدف دیا ہے، ہدف کو پورا کرنے کیلئے لاہور میں ڈرائیو تھرو ویکسینیشن سینٹرز میں اضافہ کیا جائے گا۔

اجلاس میں چیف سیکرٹری پنجاب نے کہا کہ گھر گھر ویکسینیشن کیلئے موبائل ٹیمیں تشکیل دی جائیں گی، ٹیچنگ اسپتالوں کے زیر انتظام نواحی علاقوں میں ویکسینیشن کیمپس بھی قائم کئے جائیں گے۔