Aaj News

سندھ میں ملیریا بے قابو، ایک ہی روز میں 5 ہزار سے زائد کیسز رپورٹ

رواں سال ملیریا کیسز کی تعداد 3 لاکھ 52 ہزار 238 ہوگئی
شائع 26 ستمبر 2023 12:49pm
فوٹو — فائل
فوٹو — فائل

کراچی سمیت صوبےت بھر میں گزشتہ 24 گھنٹوں کے دوران ملیریا کے 5 ہزار سے زائد کیسز رپورٹ ہو گئے۔

سندھ بھرمیں ملیریا کا مرض پھیلنے لگا، ایک ہی دن میں مزید 5 ہزار 185 مریض رپورٹ ہوگئے ہیں جس کے بعد صوبے میں رواں سال ملیریا کیسز کی تعداد 3 لاکھ 52 ہزار 238 ہوگئی۔

گزشتہ 24 گھنٹوں کے دوران حیدرآباد ڈویژن میں 2 ہزار 243، لاڑکانہ میں ایک ہزار 490، میر پور خاص میں 949، سکھر 283، شہید بینظیر آباد میں 195 ، اور کراچی میں 25 کیسز رپورٹ ہوئے۔

کراچی کے ضلع ملیر میں 12، کورنگی میں 9، ضلع وسطی، شرقی، جنوبی اور ضلع غربی میں ایک، ایک کیس سامنے آیا۔

سندھ میں رواں سال ملیریا کیسز کی تعداد 3 لاکھ سے تجاوز کر گئی جب کہ 2023 میں ملیریا کے سبب 2 افراد جاں بحق ہو چکے ہیں۔

karachi

sindh

Malaria

Comments are closed on this story.

تبصرے

تبولا

Taboola ads will show in this div