اسلام آباد ہائیکورٹ میں افغان نژاد شوہر کی پاکستانی شہریت کے لیے درخواست دائر کرنے والی خاتون مریم بتول نے اپنی درخواست واپس لے لی۔

افغان شہری کو اہلیہ کی جانب سے پاکستانی شہریت دینے کی درخواست پرسماعت اسلام آباد ہائیکورٹ کے چیف جسٹس عامرفاروق نے کی۔

درخواست گزارمریم بتول کے وکیل جمشید ملک ایڈووکیٹ عدالت میں پیش ہوئے۔

چیف جسٹس اسلام آباد ہائیکورٹ نے استفسار کیا کہ آپ نے آپ نے متاثرہ شخص کی جانب سے کیوں نہیں درخواست دی، اس پر وکیل نے جواب دیا کہ شوہر کی اپنی درخواست کل سماعت کیلئےمقررہے، اس لیے یہ درخواست واپس لینا چاہتے ہیں۔

جسٹس عامر فاروق نے ریمارکس دیے کہ درخواست گزار کے شوہرکی درخواست کل مقررہے تو کل ہی دیکھ لیتے ہیں۔

عامرفاروق نے درخواست واپس لینے کی استدعا منظورکرتے ہوئےکیس نمٹادیا۔