Aaj News

پیر, مارچ 04, 2024  
23 Shaban 1445  

پاکستانی طالب علم نے برطانوی یونیورسٹی میں عمران خان کا نعرہ لگا دیا، احسن اقبال کا جواب

یہ کوئی فخر کی بات نہیں ہے، لیگی رہنما
شائع 06 دسمبر 2023 04:00pm
تصویر — پی پی آئی
تصویر — پی پی آئی

سینیئر لیگی رہنما احسن اقبال نے پاکستانی طالبعلم کی جانب سے انگلینڈ کی یونیورسٹی میں عمران خان کا نعرہ لگانے پر ردعمل میں اسے شرمساری کی بات قرار دیا ہے۔

احسن اقبال نے سماجی رابطوں کی ویب سائٹ ایکس پر ایک پوسٹ کو ری پوسٹ کیا۔

پوسٹ میں ویڈیو شیئرکی گئی ہے جس میں ایک طالبعلم کو بیرون ملک ڈگری لیتے ہوئے اسٹیج پر بانی پی ٹی آئی عمران خان کے نام کے نعرے لگاتے دیکھا جاسکتا ہے۔

کیپشن میں بتایا گیا ہے کہ تحصیل جتوئی کے رہائشی عمیر علی نے انگلینڈ کی بریڈ فورڈ یونیورسٹی سے ایل ایل ایم کی ڈگری لیتے ہوئے اسٹیج پر’ عمران خان زندہ باد’ کا نعرہ بُلند کیا۔

احسن اقبال نے ردعمل میں لکھا کہ یہ کوئی فخر کی بات نہیں ہے بلکہ شرمساری کی بات ہے۔

لیگی رہنما کے مطابق ، ’ان تقریبات کا ایک وقار ہوتا ہے، اسے سیاسی جلسہ بنا کر پاکستان کے امیج کا نقصان کیا گیاہے‘۔

انہوں نے ماضی میں پی ٹی آئی کارکنوں کے نعروں کا حوالہ دیتے ہوئے لکھا کہ، ’میدان عرفات اور مسجد نبوی کے تقدس کا بھی ان اندھے مقلدوں کو خیال نہیں، وہاں بھی سیاسی نعرے لگاتے ہیں تو یونیورسٹی کانوکیشن کی کیا حیثیت‘۔

PMLN

Ahsan Iqbal

Pakistan Tehreek Insaf

Comments are closed on this story.

تبصرے

تبولا

Taboola ads will show in this div