Aaj News

بدھ, فروری 28, 2024  
18 Shaban 1445  

سرکاری حج اسکیم کے تحت درخواستیں جمع کرانے کی تاریخ میں توسیع کا امکان

حج درخواستوں کی وصولی کی آخری تاریخ 12 دسمبر ہے
شائع 10 دسمبر 2023 04:18pm

حج درخواستوں کی وصولی میں صرف دو روز باقی رہ گئے ہیں اور اتوار کو بھی درخواستوں کی وصولی جاری ہے، تاہم کوٹہ پورے نہ ہونے کی صورت میں تاریخ میں توسیع کا امکان ہے۔

حج درخواستوں کی وصولی کی آخری تاریخ 12 دسمبر ہے، سرکاری حج اسکیم کے تحت درخواستوں کی وصولی اتوارکو بھی جاری رہی، اور ذرائع کا کہنا ہے کہ حج درخواستیں وصول کرنے والے 15 بینک آج بھی کھلے رہے۔

ذرائع کے مطابق گزشتہ روز تک 28 ہزار حج درخواستیں جمع ہو سکی تھیں، اور 89 ہزار حج درخواستیں وصول کرنی ہیں، جس وجہ سے امکان ہے کہ حج درخواستیں پوری کرنے کے لئے وصولی کی تاریخ میں توسیع کی جائے گی۔

ذرائع کا کہنا ہے کہ اسپانسر شپ اسکیم کے تحت 25 ہزار درخواستوں میں صرف 1550حج درخواستیں موصول ہوئی ہیں، اسپانسرشپ اسکیم کے تحت ڈالرز میں اخراجات جمع کرائے جانے ہیں۔

Hajj

Hajj policy

Hajj 2024

POLICY HAJJ

Comments are closed on this story.

تبصرے

تبولا

Taboola ads will show in this div